Бу сыл аҕыс ыйын устатыгар Саха сирин олохтоохторо АБДь кыттыылаахтарыгар 3 600 баһыылканы почта салааларыттан ыыттылар. Ыытыы 40%-нын тыа сирин олохтоохторо оҥордулар.
Саха сиригэр почта ситимэ 407 салааны холбуур. Итинтэн 127-тэ 500-тэн аҕыйах нэһилиэнньэлээх аччыгый сэлиэнньэлэргэ баар. Почта хас биирдии салаата АБдь кыттыылаахтарыгар суругу уонна баһыылканы босхо тиэрдэр.
Сурукка уонна баһыылкаҕа байыаннай чаас нүөмэрин, туһааннаах киһи араспаанньатын, аатын уонна аадырыһын ыйар ирдэнэр. Ыытыы ыйааһына 10 киилэттэн кыра буолуохтаах. Биир киһиттэн хас даҕаны баһыылканы ыытыахха сөп.
Арассыыйа Почтатын салааларыттан өссө Курскай уонна Белгород уобаластарыгар 10 киилэттэн кыра ыйааһыннаах баһыылканы ыытыахха сөп диэн санатабыт.
Сонун төрдө: Арассыыйа Почтата АУо
