Ыччакка үлэ сатабылларын иҥэрии, орто анал идэҕэ уһуйуу билиҥҥи кэм тирээн турар ирдэбилэ буолар. Үлэлии үөрэммит оҕо олоххо чиҥник үктэнэр.
Н.Е.Мординов-Амма Аччыгыйа аатынан үөрэхтээһин холбоһугар ити хайысхаҕа Үөрэх уонна наука министиэристибэтин быһа өйөбүлүнэн саҥардыныыга былааннаах үлэ күөстүү оргуйар.
Литейнэй мастарыскыай уонна Тыа хаһаайыстыбатын үлэлэригэр туһаныллар көлөлөр мастарыскыайдарын тэриллэрин 95 %-на кэлэн, турар дьиэтин-уотун бэлэмнии сылдьаллар. Сотору бүтэрэн, алтынньы 18 күнүгэр үөрүүлээх аһыллыыта буолуохтаах.
Бу мастарыскыайдар, тигинэччи үлэлээн, өрөспүүбүлүкэ араас улуустарыттан кэлбит ыччаты үлэ үөрүйэхтэригэр уһуйарга төһүү күүс буолуохтара.
Валентина Кривошапкина, Таатта Харбалаах.
