Уус Алдан Түүлээх нэһилиэгин Кылаайы сэлиэнньэтигэр балаҕан ыйын 14 күнүгэр сүппүт үс саастаах оҕо өлүгүн дьиэтиттэн 550 м тэйиччи Сатаҕай диэн күөлтэн буллулар. Кыысчаан тэтэркэй өҥнөөх саппыкытын уоппускаҕа кэлэ сылдьар волонтер бэлиэтии көрдө.
Оҕо ийэтэ куоракка үөрэнэ сылдьар. Эбэтэ кэпсээбитинэн, сиэнэ быһа холуйан киэһэ 20:00 чааска халлаан хараҥарбытын кэннэ тахсан барбыт. Маҥнай суоҕун көрөн саспыт дии санаабыта, саппыкыта суох үһү. Бу кэмҥэ эһэлэрэ дьиэтигэр суох эбит.
Оҕо өлүгэ көстүбүтүн кэннэ Кылаайыга силиэстийэлиир кэмитиэт үлэһитэ тиийдэ. Кини фельдшеры кытта оҕо өлүгүн көрдө уонна дьиэлээхтэри кытта кэпсэттэ. Кыысчаан тоҕо итиччэ хойут хараҥаҕа тахсан барбытын, күөлгэ хайдах тиийбитин силиэстийэ быһаарыа.
Хаартыска: Социальнай ситимнэн
