Саха сирэ хапсаҕайы Аан дойдутааҕы көс омуктар оонньууларыгар киллэрэр баҕалааҕын Бырабыыталыстыба бэрэссэдээтэлэ Сергей Местников күрэхтэһии түмүктэрин дьүүллэһиигэ иһитиннэрдэ.
Ол туһугар кини хапсаҕайы сайыннарыы күүскэ барыахтааҕын, аныгыскы Көс оонньууларга кыттааччылар күүстээх уонна мөлтөх өрүттэрин учуоттаан бэлэмнэнэр ирдэнэрин эттэ.
Быйыл Казахстаҥҥа ыытыллыбыт оонньууларга биир дойдулаахтарбыт дьоһуннаахтык, Арассыыйа сүүмэрдэммит хамаандатыгар киирэн биэс көрүҥүнэн, ол иһигэр мас-рестлиҥҥэ, күрэхтэспиттэрин санатабыт.
Сонун төрдө: СӨ Бырабыыталыстыбатын уонна Ил Дарханын пресс-сулууспата
Хаартыска: Мария Горохова, ЯСИА
