Биэнсийэлээх уолаттар атынан Бурятияҕа тиийбиттэрин туһунан "Информ Полис" телеграм-ханаал суруйда. Сунтаар Хаданыттан төрүттээх 58 саастаах Роман уонна 61 саастаах Геннадий суруналыыстарга өбүгэлэрин суолларынан айаннаан иһэллэрин кэпсээбиттэр.
Кинилэр атырдьах ыйын ортотугар аттарын мэҥэстэн Монголия кыраныыссатын туһаайыытынан айаҥҥа туруммуттар. Кинилэр Байкал кытылынан баран Кяхтанан ааһыахтаахтар. Соторутааҕыта Муйскай оройуоҥҥа сырыттылар.
Доҕордуулар уруккуттан итиэхтии сылдьыбыт Улан-Баторга тиийэр ыра санааларын үс ый иһигэр толоруохтаахтар. Кинилэр бу айаны сынньалаҥҥа холууллар. Айанныыр харчыларын сүрүннээн бэйэлэрэ мунньуммуттар, ол эрээри аймахтарын уонна үтүө санаалаах дьон көмөлөрө эмиэ баар.
Сонун төрдө: «Информ Полис» телеграм-ханаал
