“Кыым” хаһыаты тилиннэрбит саха биллиилээх суруналыыһа, айар тыл маастара Федора Петровна Егорова төрөөбүтэ 90 сылыгар анаммыт сахалыы суруйар суруналыыстар аһаҕас куонкурустарын биллэрбиппит. “Уһун Дьурантаайы” күрэҕи кытта биир кэмҥэ түбэһэн, болдьоҕун көһөрөн биэрбиппит. Үлэлэрин ыытыан баҕалаахтар, б.дь алтынньы 15 күнүгэр диэри ыытыаххытын сөп. Куонкурус балаһыанньатын санатабыт.
— Ф.П. Егорова аатын үйэтитии;
— саха тылын айар кутун, баайын, кэрэтин туттуллар эйгэтин кэҥэтии;
— сахалыы суруйар суруналыыстар иитэр-үөрэтэр суолталаах, нэһилиэнньэни чөл олоххо, айымньылаах үлэҕэ көҕүлүүр суруйууларын, норуот сытыы кыһалҕаларын хорсуннук арыйалларын, туруорсалларын өйөөһүн.
— куонкуруска 2023 с. от ыйын 1 күнүттэн 2024 с. с. алтынньы 1 күнүгэр диэри өрөспүүбүлүкэ, улуус, нэһилиэк бэчээтигэр, интэриниэт ситимигэр үөрэх, култуура тиэмэлэригэр сахалыы тахсыбыт үлэлэр кытталлар;
— үлэлэри туттарарга инники лиискэ кыттааччы бэйэтин туһунан кылгас билиһиннэриитэ баар буолуохтаах. Куонкурус үлэлэрэ: хаһыат, сурунаал балаһалара (куоппуйалара), интэриниэккэ тахсыбыт үлэлэр скриншоттар угуллаллар.
Кыайыылаахтары анал дьүүллүүр сүбэ быһаарар. Түмүк 2024 алтынньы 30 күнүгэр диэри тахсар. Дьүүллүүр сүбэ I, II, III миэстэлэри быһаарар. Кыайыылаах харчынан бириэмийэнэн, дьупулуомунан наҕараадаланар. II, III миэстэни ылбыттар дьупулуомунан, биһирэбил бирииһинэн наҕараадаланыахтара. Наҕараадалары туттарыы 2024 с. сэтинньи бастакы күннэригэр ыытыллар “Кыым” үгэс буолбут “Саныаҕыҥ, доҕоттоор, ааспыты” тэрээһинигэр ыытыллыа.
