Алмаастааҕар кытаанах майгыларын ыһыктыбатах, эр сүрэхтээх, үтүө санаалаах күндү аҕам саастаахтары барыгытын “Аврора” мэдиссииинэ килииньикэтин, Көхтөөх уһун үйэлэнии киинин уонна тус бэйэм ааппыттан ис сүрэхпиттэн Аан дойдутааҕы аҕам саастаахтар күннэринэн эҕэрдэлиибин!
Тапталлаах Сахабыт сирэ сайдарын туһугар үгүс кыһамньыгытын, олоххут эдэр эрчимнээх кэмнэрин анаабыт дьоммутугар, эһиэхэ, махталбыт, ытыктабылбыт улахан.
Олоххут сыллара эһиэхэ хомуруйуу буолбакка, биһиэхэ холобур буоллун. Эһиги өрүү сүбэ-ама биэрэр муударай, бастыҥ дьоммут буолаҕыт. Күндү дьоммут, чэгиэн туруктаах, ыалдьыбакка-сүппэккэ, этэҥҥэ доруобай сылдьан көхтөөхтүк, сэргэхтик олороргутугар баҕарабыт. Эдэр сылдьан ыраламмыккытын ситиһэр күүстээх санааҕытын ыһыктымаҥ!
Эһиги күүскэ үлэлээн, судургута суох олоххо уһуннук уонна сиэрдээхтик олорон эдэр көлүөнэ ытыктабылын ылаҕыт. Аҕам саастаахтар күннэригэр тапталга уонна кыһамньыга бигэнэн, этэҥҥэ үөрэ-көтө сылдьыҥ. Соҕотохсуйууну хаһан да билимэҥ, чугас дьоҥҥут, оҕолоргут, сиэннэргит тапталларыгар угуттанан, өссө да уһуннук, сүһүөххүтүгэр сылдьан, тахсар күнтэн күлэ-үөрэ, мичилийэ сылдьыҥ!
Уһун, дьоллоох үйэлэниҥ!
“Утум” НКО бэрэссэдээтэлэ,
