Аан дойдутааҕы Аҕам саастаахтар күннэринэн Арассыыйа Почтатын аҕа көлүөнэҕэ ордук оҥоһуллар өҥөлөрүн ааттаатылар. Ол курдук, биэнсийэлээх килийиэннэр 91%-нара дьиэҕэ тиэрдиини ордороллор эбит.
Биэнсийэни уонна социальнай төлөбүрдэри почта босхо тиэрдэр. Аҕам саастаахтар ый ахсын ордук элбэхтик аҕалтарар төлөбүрүгэр киирэллэр: үлэ бэтэрээннэригэр, сэрии оҕолоругар, 80 саастарын ааспыттарга анаммыт төлөбүрдэр уонна ОДьКХ өҥөтүн толуйар төлөбүр.
Дьиэҕэ тиэрдии ордук хамсанары, кэлэри-барары ыарырҕатар дьоҥҥо ирдэнэр. Кинилэр почтальон көмөтүнэн дьиэҕэ-уокка хомунаалынай өҥөнү, нолуоктары, суотабай сибээһи төлүүллэр, бородуукта, табаар аҕалтараллар. Быйыл Арассыыйа Почтата өссө РФ Үлэҕэ министиэристибэтин уонна Социальнай Пуондатын кытта сөбүлэһии түһэрсэн реабилитация тэриллэрин тиэрдэр буолла.
Маны сэргэ, Арассыыйа Почтата «Үтүө санаа маһа» (Дерево добра) аахсыйанан сурутуллубут сурунааллары уонна хаһыаттары Кырдьаҕастар дьиэлэригэр тиэрдэр.
Сонун төрдө: Арассыыйа Почтата
