УФСБ үлэһиттэрэ ГОСТ бэлиэтэ суох 9 туонна балыгы атыылыыр соруктаах сокуоннайа суохтук тиэйбит эр киһини туттулар. Балык сыанатын 5 мөлүйүөнтэн тахса диэн быстылар. Манна Булун улууһун олохтоох салайыныыга уорганын дьокутаата кыттыгастааҕын быһаардылар.
Силиэстийэ быһаарбытынан, кэмиэрчэскэй тэрилтэ дириэктэринэн үлэлиир дьокутаат билсэр урбаанньытын кытта тохсунньуттан олунньуга диэри балыгы сокуоннайа суох ньыманан атыылаабыттар. Кинилэр Тиксии бөһүөлэгиттэн Дьокуускай куоракка тууччах, муксуун, уомул балыктары сымыйа докумуоннаах тиэйэ сылдьыбыттар. Ол иһин албыннара тута биллибэтэх.
УФСБ үлэһиттэрэ, ити чахчыны бэрэбиэркэлээн баран, буруйу оҥорооччуну балыгы Дьокуускайга бэйэтин «КАМАЗ» массыынатынан тиэйэн истэҕинэ туттулар. Онон, кинилэргэ иккиэннэригэр «Маркировката суох бородууксуйаны уонна табаары оҥорон таһаарыы, ылыы, харайыы, тиэйии эбэтэр атыылааһын» диэн ыстатыйанан холуобунай дьыала тэрийдилэр.
Сонун төрдө: Силиэстийэлиир кэмитиэт Саха сиринээҕи салаата
