Балаҕан ыйын 4 күнүттэн сэтинньи 7 күнүгэр диэри Блогердар уонна ааҕыныстабылар ассоциациялара (АБА) оҕо блогердарга "Блогема" бириэмийэ иһин үс түһүмэхтээх күрэстэһии тэрийэн ыытар. Саха сириттэн манна 9 саастаах Айыына Кожурова кытта сылдьар. Санатар буоллахха, кини Амма Болугуругар тыа оҕотун олоҕун уһулбут видеоларынан киэҥник биллибитэ.
Бастыҥ оҕо блогера ааты ылар иһин күрэскэ барыта уон блогер киирсэ сылдьар. Айыынабыт Viki Show, Милана Филимонова, Милана Стар, Камиль Кикидо курдук мөлүйүөнүнэн сурутааччылаах нуучча тыллаах блогердары кытта күрэстэһэр. Билигин күрэс иккис түһүмэҕэ, шорт-лиискэ киирэр иһин норуот куоластааһына, бара турар. Ол кэннэ эспиэрдэр дьүүллүүр сүбэлэрэ үс лауреаты талыаҕа. Кыайыылаахтары наҕараадалааһын сэтинньи 27 "Мосфильм" киинэ концернын былаһааккатыгар буолуоҕа.
Билиҥҥи туругунан "Блогема" бириэмийэ саайт куоластааһыныгар Айыына 8139 куолаһы хомуйан инникилээн иһэр, ол эрээри кинини Viki Show диэн хас эмэ мөлүйүөнүнэн сурутааччылаах блогер кыыс ситэн ааһар туруктаах. Онон, Айыынаҕа алтынньы 22 күнүгэр диэри https://blogema-awards.ru/detskiy-bloger-goda.html киирэн куоластыаххытын сөп.
Бэйэ кэр.
