Бүтүн Арассыыйатааҕы II-с «Мин идэм – ИТ» күрэс РФ Үөрэҕирии министиэристибэтин олимпиадаларын уонна күрэстэрин ахсааныгар киирдэ. Идэни таларга көмөлөһөр бырайыак 2014 сыллаахха саҕаламмыта. Уон сыл устата күрэскэ Саха сирин 17 тыһ. тахса устудьуона уонна оскуола үөрэнээччитэ кытынна.
«Мин идэм – ИТ» күрэһи дойду бэрэсидьиэнэ Владимир Путиҥҥа Дьокуускайга кэлэ сырыттаҕына бэс ыйын 18 күнүгэр билиһиннэрбиттэрэ. Онуоха кини дойду салалталыгар бу күрэһи «Арассыыйа – кыаҕы арыйар дойду» платформа тэрээһиннэрин тиһигэр киллэрэргэ сорудахтаабыта.
Онон, 2023 сылга күрэс федеральнай таһымнаммыта. Быйылгы Бүтүн Арассыыйатааҕы II-с «Мин идэм – ИТ» күрэскэ дойду бары регионуттан 25 тыһ. тахса устудьуон уонна оскуола үөрэнээччитэ кыттыаҕа.
Сонун төрдө: СӨ Бырабыыталыстыбатын уонна Ил Дарханын пресс-сулууспата
