Киин куорат үс уокуругар сыл саҕаланыаҕыттан 224 тахса бэйдиэ сылдьар ыты туппуттар. Ол иһигэр, дьаһалта иһитиннэрбитинэн, Октябрьскай уокурукка – 100 тахса, Киин уокурукка – 70 тахса, Губинскайга – 54 ыты. Күн бүгүн миэрэни өссө күүһүрдэн тураллар.
“Ааспыт сэттиэлэҕэ, ол эбэтэр алтынньы 7 күнүттэн саҕалаан 3 ыты туттубут. Оттон бу сэттиэлэҕэ – 1 эрэ. Ити курдук дьон куттала суох сылдьарын хааччыйыыга үлэ бара турар”, - диэн Киин уокурук биллэрдэ.
Онуоха, тутуллубут ыттар ортолоругар хаһаайыннаах ыттар эмиэ түбэһэллэр. Оччоҕо «Помоги выжить» приюкка 8 (924) 870 00 67 эрийэн эбэтэр Очиченко уул. 57-с дьиэтигэр тиийэн ыйытыаххытын сөп.
Оттон бэйдиэ сылдьар ыты көрбүт буоллаххытына, биир кэлим диспиэччэр сулууспатыгар +7 (4112) 44-42-51, 44-42-29 нүөмэрдэргэ эрийэн биллэрэргитигэр көрдөһөллөр.
Сонун төрдө: Дьокуускай к. уокуруктааҕы дьаһалтата
