Нерюнгри аэропордугар Саха сирин сайдыытыгар улахан үтүөлээх биллиилээх диэйэтэл аатын иҥэрээри куоластааһын тэрийдилэр. Өрөспүүбүлүкэ олохтоохторо бэриллибит уон киһиттэн үс финалиһы талыахтаахтар. Онтон салгыы кыайылааҕы быһаарыахтара.
Финалистары талар куоластааһын https://forms.yandex.ru/u/66e2a74c493639211855832f/ сигэнэн алтынньы 27 күнүгэр диэри буолуоҕа. Манна, талбыт киһигит аатын баттаан баран, анал халыыбы толороҕут. Претенденнэр ортолоругар үлэ дьоруойдара, геологтар, учуонайдар, лүөччүк, судаарыстыбаннай диэйэтэл бааллар:
- ЧИРЯЕВ Гавриил Иосифович (1925 – 1982 гг.) – сэбиэскэй баартыйалаах уонна судаарыстыбаннай диэйэтэл. Саха сиринээҕи КПСС обкомун бастакы сэкирэтээрэ.
- БОНДАРЬ Александр Васильевич (1952 – 2021 гг.) - Байкал-Амур магистралын тутааччы, Социалистическай үлэ дьоруойа.
- КАРИМОВА Саима Сафиевна (1926 – 2013 гг.) – Соҕурууҥҥу Саха сиринээҕи эспэдииссийэ сүрүн геолога, Социалистическай үлэ дьоруойа.
- СПИРИДОНОВ Николай Иванович-Тэки Одулок (1906 – 1938 гг.) – Уһук Хоту норуоттарыттан бастакы учуонай, дьүкээгир литэрэтиирэтин төрүттээччи.
- ВАСИЛЕВИЧ Глафира Макарьевна (1895 – 1971 гг.) – сэбиэскэй тыл үөрэхтээҕэ, тоҥ уустуу этнограф, 200 үлэ, ол иһигэр эбэҥки тылынан 5 тылдьыт уонна 50 тахса учуобунньук ааптара, устуоруйа билимин дуоктара, тыл билимин хандьыдаата.
- ЛАГЗДИНА Галина Юрьевна (1926 – 2011 гг.) - ЮЯКЭ геолог, Нерюнгритааҕы таас чох үөскээбит сирин «Пятиметровый» араҥатын арыйааччы, Нерюнгри к. Бочуоттаах олохтооҕо.
- СТОЛЫПИН Алексей Евлампьевич (1917 – 1966 гг.) - «Чульманская» шахты «Нерюнгра» учаастагын бастакы начаалынньыга.
- КУЗЬМИН Валерий Ильич (1918 – 1983 гг.) – бастакы саха лүөччүгэ, Гражданскай авиация Саха сиринээҕи салаатын Дьокуускайдааҕы холбоһуктаах этэрээтин хамандыыра, Социалистическай үлэ дьоруойа.
- КОБЕЛЯЦКИЙ Игорь Александрович (1910 – 2004 гг.) – сэбиэскэй геолог, билим диэйэтэлэ. Соҕурууҥҥу Саха сирин айылҕатын баайыгар геологтар чинчийиилэригэр сүҥкэн кылааты киллэрээччи.
- БОЧАРОВ Виктор Иванович (1933 с.т.) – Соҕурууҥҥу Саха сиринээҕи комплексы тутар «Якутуглестрой» кэмбинээт начаалынньыга, Социалистическай үлэ дьоруойа.
Эһиги санааҕытыгар бу ытыктанар дьонтон ким аата аэропорка иҥэриллиэн сөбүй уонна тоҕо?
