Амма, Алдан уонна Бүлүү өрүстэргэ паром сырыыта букатын тохтоото.
Алтынньы 21 күнүгэр диэри Дьокуускай – Аллараа Бэстээх – Дьокуускай хайысханан Өлүөнэ өрүскэ барыта 12 паром үлэлээбитэ. Ол иһигэр үс таһаҕас суудуната. Оттон бүгүҥҥүттэн, алтынньы 22 күнүттэн, халлаан тымныйбытынан, уу таһыма түспүтүнэн уонна кыдьымах хойдубутунан, паром ахсаана лаппа аҕыйыыр буолла. Ол туһунан СӨ Ил Дарханын уонна бырабыыталыстыбатын пресс-сулууспата суруйар.
“В.Рукавишников” теплоход эмиэ алтынньы 21 күнүттэн сырыыта тохтоото. Онон, дьону-сэргэни уҥуоргу кытылга Дьокуускай 204-с түөлбэтиттэн салгын олбохтоох суудуналар тиэйиэхтэрэ. Суудуналар сарсыарда 07:00 чаастан киэһэ 18:00 чааска диэри сүүрэллэр. Айан төлөбүрэ – 2500 солкуобай.
Бэй.кэр.
Хаартыска: ПАО ЛОРП
