Оптуобус тохтобулларыгар уонна сынньалаҥ пааркаларыгар табахтаабыт дьону 500 солк. ыстарааптыырга этии киллэрдилэр.
Саха сиригэр оптуобус тохтобулларыгар уонна алардарга (пааркаларга) табахтаабыт дьону ыстарааптыыр санаалаахтар. Туһааннаах сокуон барылын алтынньы 22 күнүгэр Ил Түмэн тохсус пленарнай мунньаҕар дьокутааттар өйөөбүттэр. Бастакы ааҕыыга.
Санатар эбит буоллахха, ити туһунан кэпсэтии өссө былырыыҥҥыттан саҕаламмыта. Нэһилиэнньэ баһыйар өттө ону өйөөбүтэ. Биллэн турар, утарааччылар да бааллара.
Ол да буоллар бэҕэһээ сокуон барыла өйөннө. Онон, өтөр өрөспүүбүлүкэ административнай быраабын кодексыгар (КоАП) уларытыылары киллэрдэхтэринэ, сокуон күүһүгэр киирэн барыахтаах.
Бэй.кэр.
Хаартыска: ЯКУТСК.РФ.
