Уус Алдан улууһун Баатаҕай нэһилиэгин Эрбэһин диэн өтөҕөр аатырбыт бөҕөс, элбэх үһүйээн дьоруойа Иван Александров - Күүстээх Уйбаан олорбут дьиэтин чөлүгэр түһэрэн эрэллэр. Ол туһунан СӨ Култуура нэһилиэстибэтин эбийиэктэрин харыстыыр управление салайааччыта Николай Макаров тус ханаалыгар суруйда.
Саҥардар үлэни күһүн бастакынан Иван Яковлевич аймахтара саҕалаабаттыра. Кинилэр балаҕан сабараанньытын ыраастаабыттара уонна умуһаҕын бүөлээбиттэрэ. Өһүөлэри бөҕөргөтүү уонна балаҕан үрдүн бүрүйүү ыытыллыбыта. Салгыы Вячеслав Яроев салайааччылаах «Уран» дизайн-устуудьуйа үлэлиэҕэ.
Быһаарыы: Иван Александров – Күүстээх Уйбаан (1878-1931 сс.) I Өспөх нэһилиэгин Эрбэһин диэн сиригэр төрөөбүтэ. Кини биир сөҕүмэр быһыытынан Хонор Биэ күөл уутун түһэрбитэ буолар. Уйбаан салайар биригээдэтэ үс кыһыны быһа илиитинэн 12 м дириҥнээх, 80 м кэтиттээх 2440 куб халыҥнаах тоҥ сири хаһан бүтэрбитэ. Онон, Араҥас Кырдала хоруу 1930 с. муус устар ыйыгар оҥоһуллан бүппүтэ.
Сонун төрдө: СӨ Култууратын нэһилиэстибэтин эбийиэктэрин харыстыыр управление
