Усуйаана улууһун Хаһааччыйа сэлиэнньэтиттэн төрүттээх Николай Горохов Приморскай кыраай Фокино куоратын күнүгэр олохтоох дьаһалта Махтал суругун уонна өйдөбүнньүк бэлэҕин тутта. Ол туһунан «Заря Яны» аан ситим суруйда.
Биир дойдулаахпыт 2022 сыл кулун тутар ыйыттан саҕалаан ЛНР, ДНР, Запорожье уонна Херсон уобаластарыгар анал байыаннай дьайыыларга «Восток» сэбилэниилээх күүстэр бөлөхтөрүн ТОФ муора пехотатын 155-с гвардейскай Жуков уордьаннаах биригээдэтин састаабыгар сылдьан кыттыбыта. Кини десантнай-штурмовой ротаҕа десант састаабыгар, ПЗРК взводугар зенитчигынан, морпех разведчиктарын батальонугар сулууспалаабыта.
Бойобуой быһыыларын иһин Николай Горохов Жуков мэтээлинэн, Сибэтиэй Георгий уордьанынан — Георгиевскэй Кириэһинэн, «За отвагу», «За освобождение Мариуполя», «Участник специальной военной операции», «Ветеран боевых действий» мэтээллэринэн наҕараадаламмыта.
Билигин Николай Горохов Ростов-на-Дону уонна Владивосток куораттар госпиталларыгар эмтэнии кэннэ байыаннай чааска инструктордыы сылдьар.
Сонун төрдө: Заря Яны
