Арассыыйа Дьоруойа, космонавт Олег Артемьев Саха сиригэр буола турар «Сыыппара алмааһа» пуорумҥа Ил Дархан Айсен Николаевкаөрөспүүбүлүкэ олохтоохторо үйэ аҥаарын анараа өттүгэр ыыппыт телеграммаларын тиксэрдэ.
Ол курдук, Үөһээ Дьааҥы оройуонун Боруулаах нэһилиэгин уонна Алексеевскай оройуонун (билигин Таатта) олохтоохторо Сэбиэскэй Сойуус Дьоруойа Юрий Гагарины эҕэрдэлээбиттэр. Телеграммалар Олег Германовиһы кытта космоска МКС устуоруйатыгар саамай уһун көтүүнү оҥорон кэллилэр.
«Бу телеграммалар бар дьон Юрий Алексеевичка улахан тапталын кэрэһэлииллэр. Олег Германовичка Саха сиригэр туохха да тэҥнэммэт сыаналаах бэлэҕи аҕалбытын иһин истиҥник махтанабын! Телеграммалары түмэлгэ өйдөбүнньүк быһыытынан харыстаан ууруохпут», - диэн Айсен Николаев телеграм-ханаалыгар суруйда.
Пуорум аһыллыытыгар Олег Артемьев Саха сиригэр космоска көтөн кэлбит Хоту сир уонна Арктика илдьитин – Кындыкан куукуланы туттарда.
Сонун төрдө: СӨ Бырабыыталыстыбатын уонна Ил Дарханын пресс-сулууспата
