Сэтинньи 18 күнүгэр Тымныы Оҕонньор төрөөбүт күнүн бэлиэтиир. Онон, Арассыыйа почтата дойду араас муннугуттан киниэхэ эҕэрдэлэри ыытар. Уһук Илиҥҥи уокурукка бастакы эҕэрдэлэр хайыы сахха Благовещенскай куораттан уонна Саха сирин Ытык Күөл сэлиэнньэтиттэн бардылар.
Тымныы Оҕонньору эҕэрдэлиир үтүө үгэһи элбэх дьиэ кэргэн тутуһар. Оҕолор суругу бэйэлэрэ суруйаллар, уруһуй эбэтэр оҥоһук угаллар, оттон төрөппүттэр кэнбиэр ылан биэрэллэр, маарканы сыһыараллар уонна аадырыһын суруйаллар. Эҕэрдэ суругу почта хайа баҕарар салаатыгар турар дьааһыкка угуохха сөп.
Кырдьаҕас резиденциятын аадырыһа: 162390, Вологодская область, г. Великий Устюг, Деду Морозу. Бу аадырыска Арассыыйа почтата сылга 200 000 суругу тиэрдэр.
Сонун төрдө: Арассыыйа почтата
