Дьокуускай куоракка сэтинньи 15 – 17 күннэригэр Хомсомуол болуоссатыгар үгэс буолбут “Идэһэ” дьаарбаҥка буолуоҕа. Ол туһунан СӨ Тыа хаһаайыстыбатын министиэристибэтэ иһитиннэрэр.
Тэрийээччилэр эппиттэринэн, быйылгы дьаарбаҥкаҕа сүөһү-сылгы этин аҥаарынан, чиэппэринэн атыылыахтара үһү. Итинник эт, үгэс курдук, бэчээттээх буолар. Онон дьон-сэргэ эт ханнык улуустан, нэһилиэктэн кэлбитин чопчу билэр буолуоҕа. Дьаарбаҥка таһыгар эт эрбэтэр дьоҕус сыахтар эмиэ үлэлиэхтэрэ.
Быйылгы “Идэһэ” дьаарбаҥка Хомсомуол болуоссатыгар бээтинсэттэн саҕалаан өрөбүлгэ диэри сарсыарда 10:00 чаастан киэһэ 17:00 чааска диэри тохтобула суох үлэлиэ.
Бэй.кэр.
Хаартыска: yakutia-daily.ru
