«Биир ньыгыл Арассыыйа» баартыйа Саха сиринээҕи салаатын салайааччыта Сулустан Заболоцкай РФ Сэбилэниилээх күүстэрин кэккэтигэр киирэн анал байыаннай дьайыы ыытыллар сиригэр барда.
Кини инники ДНР-га Саха сирин тирэх пуунугар уонна Кировское куораты сөргүтүүгэ үлэлээбитэ, «Биир ньыгыл Арассыыйа» баартыйа аатыттан байыастарга элбэх көмөнү оҥорбута. «Волонтёрунан элбэхтик үлэлээбитим. Ол эрээри билигин быһаарыылаах кэм. Онон, байыастарга көмөҕө барарга сананным», - диэн Сулустан Заболоцкай эттэ.
Бу күннэргэ доброволецтар бөлөхтөрүн, ол иһигэр Сулустан Заболоцкайы кытта «Биир ньыгыл Арассыыйа» бэрэссэдээтэлэ, дойдуга куттал суох буолуутун сүбэтин салайааччыта Дмитрий Медведев көрүстэ. Кини доброволецтарга этэҥҥэ эргиллиини уонна кыайыыны баҕарда.
Сонун төрдө: СӨ Бырабыыталыстыбатын уонна Ил Дарханын пресс-сулууспата
