Аҕа дойдуну көмүскээччилэр Кубоктарыгар Саха сириттэн анал байыаннай дьайыы бэтэрээннэрэ Алексей Антипин армрестлинг күрэҕэр – боруонса мэтээли, Игорь Марсунов уонна Артем Чкиря эмиэ армрестлиҥҥа уонна ох саанан ытыыга – бэһис миэстэлэри ыллылар.
Күрэхтэһиини «Аҕа дойдуну көмүскээччилэр» пуонда РФ Паралимпийскай кэмитиэтин уонна Успуорт министиэристибэтин өйөбүлүнэн тэрийдэ. «Сириус» федеральнай территорияҕа буолбут Кубок түмүк түһүмэҕэр дойду 62 эрэгийиэниттэн сыл устата ыытыллыбыт күрэхтэһиилэргэ кыайбыт 200 тахса бэтэрээн кытынна. Кинилэр олорон эрэ волейболга, буулдьанан ытыыга, остуол тенниһигэр, пауэрлифтиҥҥэ уонна армрестлиҥҥа күөн былдьастылар.
Биһиги бэтэрээннэрбит урут успуордунан дьарыктамматахтар, ол эрээри сулууспа кэннэ кэккэ ситиһиилэммиттэр. Реабилитация кэмигэр кинилэри успуорт араас көрүҥүгэр сыһыараннар, билигин өрөспүүбүлүкэ аатын көмүскүүллэр.
Сонун төрдө: СӨ Бырабыыталыстыбатын уонна Ил Дарханын пресс-сулууспата
Хаартыска: ЯСИА
