«ВИС» бөлөх исписэлиистэрэ Судаарыстыбаннай филармония уонна Арктикатааҕы Эпос киинигэр аркыастыры көтөҕөр анал мэхэньиисим тимир конструкцияларын (серапидтарын) таҥан саҕалаатылар. Ол көмөтүнэн аркыастыр дьаамаҕа да, сценаҕа да олорон оонньуур кыахтаныа.
Филармония саалата 700 көрөөччүгэ анаммыт. Сцена кэтэҕэр улахан бэлэмнэнэр саала баар буолуо. Манна аркыастыры уонна толорооччулары устуудьуйа ньыматынан уһултарыахтара. Ону таһынан бэлэмнэнэр саала 100 истээччилээх камернай саала быһыытынан үлэлиэ. Оттон киин үрдүгэр амфитыйаатыр уонна куораты көрөр былаһаакка үлэлиэхтэрэ.
Билигин эбийиэк 70% бэлэм. Сылаас киирэн, ис оҥоһуута бара турар. «ВИС» бөлөх Эпос киинигэр, бырайыагыттан саҕалаан тутуутугар, бүддьүөтү таһынан үбүлээһинигэр уонна көрүүтүгэр-харайыытыгар тиийэ, эппиэттиир. Үбүн партнерунан «Газпромбаан» буолар.
Сонун төрдө: СӨ Бырабыыталыстыбатын уонна Ил Дарханын пресс-сулууспата
