«Китайская Угроза» телеграм-ханаал суруйарынан, Ханчжоу куорат Юйхан оройуонун дьаһалтата алта дэриэбинэҕэ менеджер эбэтэр атыннык генеральнай дириэктэр дуоһунаһыгар куонкурус биллэрбит.
Сыллааҕы хамнаһын орто кээмэйэ - 180 тыһ. юань (АХШ 25 023 долл. кэриҥэ), ону таһынан социальнай страховка уонна олорор дьиэ уонна да атын чэпчэтии көрүллэр эбит. Тэҥнээн көрөр буоллахха, былырыын Кытай куораттарыгар судаарыстыбаннай эйгэ үлэһиттэрин сыллааҕы орто хамнаһа 120 698 юань эбит.
Менеджер эбэтэр гендир дуоһунаһыгар хандьыдааттар 40 саастаах эбэтэр онтон эдэр, бакалавыртан намыһаҕа суох үөрэхтээх, урбааны, инбэстииссийэни уонна үбүлээһини салайыыга кырата үс сыл үлэлээбит буолуохтаахтар. Салайааччы сүрүннээн дэриэбинэҕэ тыа хаһаайыстыбатын уонна экэниэмикэни сайыннарыыга эппиэттиэхтээх.
Күн бүгүн Юйхан оройуона 34 дэриэбинэ гендириэктиэрин ылбыт. Салайааччылар орто саастара – 36. Кинилэр 122 бырайыагы олоххо киллэрбиттэр, 299 мөл юань инбэстииссийэни аҕалбыттар уонна олохтоох экэниэмикэҕэ 100 мөл юаньтан тахса дохуот киллэрбиттэр.
