Уопсай уонна эбии үөрэхтээһиҥҥэ, иитэр үлэҕэ судаарыстыбаннай бэлиитикэ департаменын салайааччыта Надежда Захарова байыаннай сулууспалаахтар дьиэ кэргэннэрин өйүүр үлэ түмүктэрин иһитиннэрдэ.
Ол курдук, уһуйаан төлөбүрүттэн 1 987 төрөппүт босхоломмут, оскуолаҕа итии аһылыгынан 2 315 кэриҥэ оҕо хааччыллыбыт, оҕо сынньалаҥар уонна чэбдигириитигэр 2 167 путевка бэриллибит. 95 дьиэ кэргэн оскуолаҕа уһатыллыбыт күн бөлөҕөр оҕотун сырытыннарар быраабы туһаммыт.
Үөрэх тиһигэр байыаннай сулууспалаахтар дьиэ кэргэннэригэр 11 өйөбүл миэрэтэ баар. Онно дьиэ кэргэн олорор сиринэн үөрэх тэрилтэтигэр, уһуйаан хонуктаах бөлөхтөрүгэр уочарата суох ылыы, орто уонна үрдүк үөрэх тэрилтэлэригэр истипиэндьийэнэн хааччыйыы, лааҕырдарга, санаторийдарга-курортарга босхо сынньалаҥ, эмтэнии уонна да атын миэрэлэр киирэллэр.
Сонун төрдө: СӨ Бырабыыталыстыбатын уонна Ил Дарханын пресс-сулууспата
