Дьокуускайга Орджоникидзе болуоссатыгар, үгэс курдук, «Кыһын Саха сириттэн саҕаланар» бэстибээл бастакы тэрээһинэ – "Саха сирин бриллианнара" муус уонна хаар скульптуралары оҥорууга блиц-турнир саҕаланна. Быйылгы күрэс Аҕа дойду улуу сэриитигэр кыайыы 80 сылыгар ананар.
Манна 20 хамаанда, ол иһигэр Монголияттан, Кытайтан, Хабаровскай уонна Приморскай кыраайдар, өрөспүүбүлүкэ улуустарын талааннаах маастардара кытталлар. Кинилэр оҥоһуктарын Орджоникидзе болуоссатыгар уонна «Северное сияние» муус пааркаҕа көрүөххэ сөп. Кыайыылаахтары ахсынньы 1 күнүгэр биллэриэхтэрэ.
Сонун төрдө: СИА
