Дьокуускай к. борокуратуурата улахан массыына суоппарыгар быйыл саас оскуола оҕотун үлтү көтөн өлөрбүтүн иһин РФ ХК 264 ст. 3 ч. тэриллибит холуобунай дьыаланы суукка ыытта.
Силиэстийэ этэринэн, кини «SHACMAN SX331863366» массыынаны ыытан иһэн светофорунан салаллар пешеход зонатыгар киирбит уонна күөх уокка велосипедынан туораан иһэр оҕону үлтү көппүт. Ол түмүгэр оҕо, ыар эчэйиини ылан, суһал көмө массыынатыгар өлөөхтөөбүт.
Оччолорго ити иэдээн туһунан "орто сүһүөххэ үөрэнэр уолчаан массыына анныгар Тиһэх чуорааҥҥа баран иһэн түбэспит, онно үчүгэй үөрэҕин иһин грамота ылыахтаах эбит" диэн кэпсэл баара.
Манна даҕатан эттэххэ, бу быһылааҥҥа куораппыт велосипедынан сылдьарга адьас табыгаһа суоҕа көстөр. Уулуссаларбыт да, суоппардарбыт да киһи олоҕор улахан кутталы үөскэтэллэр.
Сонун төрдө: СӨ Борокуратуурата
Сэҥээриилэр
References:
tippy-t.com: https://tippy-t.com/melina86z03070