Бэҕэһээ, ахсынньы 1 күнүгэр, «Триумф» успуорт уораҕайыгар «Саха сирин бриллианнара» муус уонна хаар скульптураларга күрэх кыайыылаахтарын биллэрдилэр.
Күрэс сэтинньи 25 күнүттэн ахсынньы 1 күнүгэр диэри Аҕа дойду сэриитигэр Улуу Кыайыы 80 сылыгар ананан ыытылынна. Тэрийээччилэр – Дьокуускай куорат дьаһалтата уонна «Северное сияние» муус паарката. Үс хайысханан барыта 20 хааманда кытынна. Муус скульптураларга блиц-турнир сэтинньи 25 күнүгэр Орджоникидзе болуоссатыгар, онтон атын хайысхалар муус пааркаҕа буоллулар. Халлааммыт туран биэрэн, Саха сирин улуустарыттан, Приморскай уонна Хабаровскай кыраайдартан, Монголияттан уонна Кытайтан кэлбит маастардар таһаарыылаахтык айдылар-туттулар.
Кыттааччылар үлэлэрин аан дойду таһымнаах дьүүл сүбэтэ сыаналаата. Ол курдук, манна муус скульптураҕа аан дойду 12 төгүллээх кыайыылааҕа Сергей Целебровский, Хэйлунцзян провинциятын мууска уонна хаарга маастара хотун Ван Хайфэн (КНР), норуоттар икки ардыларынааҕы муус уонна хаар оҥоһуктар күрэстэрин кыайыылааҕа Марат Габдрахманов (Казахстан), «Кыһын Саха сириттэн саҕаланар» бэстибээл тэрийэр кэмитиэтин бэрэссэдээтэлэ Владимир Дорожкин, муос оҥоһук худуоһунньук-сөргүтээччитэ Айсен Павлов киирдилэр.
Аҕа дойду сэриитигэр Улуу Кыайыы 80 сылыгар аналлаах «Аҕа дойду, эр санааланыы, албан аат туһунан» тиэмэлээх муус скульптураларга блиц-турнир кыайыылааҕын аатын сүктүлэр:
Маны таһынан араас номинациянан бастыҥ хамаандалары бэлиэтээтилэр.
Сонун төрдө: Дьокуускай куорат уокуруктааҕы дьаһалтата
