Ахсынньы 1 күнүгэр Быыһыыр сулууспа дьуһуурунайын пультугар Дьокуускайга 14 саастаах уол сүппүтүн туһунан ийэтэ уонна эбэтэ биллэрбиттэр. Кинилэр кэпсээннэринэн, уоллара муус аннынан күөгүлүүрүн сөбүлүүр, камуфляж өҥнөөх балааккалаах эбит.
Быыһыыр сулууспа үлэһиттэрэ уол барыан сөптөөх 203-с түөлбэтигэр тиийбиттэр. Сэрэйиллибитин курдук, оҕо оҥочо ыстаансыйатыгар балааккатын туруоран балыктыы олорбут, биир эрэ балыгы тутан баран дьиэлээри сылдьыбыт эбит. Төлөпүөнүн дьиэтигэр хаалларбыт.
Дьэ, сүрдээх балыксыт оҕо эбит дии? Хайҕыахха эрэ сөп курдук.
Сонун төрдө: СӨ Быыһыыр сулууспата
