Абый улууһугар биэнсийэлээх дьахтар 2022 сыл сэтинньитигэр Калуга уобалаһыгар «Калуга Астрал» диэн бигэргэтэр кииҥҥэ докумуоннарын, хаартыскатын барытын туттаран туран сыыппаранан илии баттааһыны оҥорторбута биллибит.
Онуоха, кини улууһуттан барбатаҕа быданнаабыт уонна интэриниэти, суоҕунан сибээстээн, сатаан туттубат эбит. Салгыы дьахтар кулун тутар 2023 күнүгэр «Государственная онлайн регистрация бизнеса» өҥөнү туһанан Федеральнай нолуок сулууспатын Саха сиринээҕи управлениетыгар «урбаанньыт быһыытынан бэлиэтэммит» аатырбыт.
Итини барытын эмсэҕэлээччи 2023 сыл от ыйын 1 күнүгэр, «урбаанньыт буолбутунан сибээстээн», биэнсийэтигэр эбии бэриллэр эрэгийиэннээҕи социальнай төлөбүрэ тохтообутугар биирдэ билбит. Онон түөкүттэр албыннара эрдэ биллэн, хата, дьахтар аатыттан мөлүйүөнүнэн кирэдьиити ылбакка хаалбыттар.
Биэнсийэлээх бэйэтэ сууттаһар кыаҕа суоҕун учуоттаан, олохтоох борокуруордар ирдэбил түһэрэннэр, «Калуга Астрал» тэрилтэ төҥүө албынынан оҥоһуллубут сыыппара илии баттааһынын уонна урбаанньыт ыстаатыһын суутунан көтүрбүттэр.
Бу тэрилтэҕэ бэрэбиэркэ барбыта, түөкүттэри булбуттара, суоҕа биллибэт. Эһиги бу түгэҥҥэ, бастатан туран, кими уорбалыа этигитий?
Сонун төрдө: Этэрбэс араадьыйата
