“Кыым” хаһыат 48-с №-рэ таҕыста. Саҥа нүөмэргэ тугу ааҕыбыт?
Баһылыктары бултаһаллар дуо? Бу күннэргэ СӨ борокуратуурата “итэҕэлтэн таҕыстылар” диэн матыыптаан 3 улуус уонна 5 нэһилиэк баһылыгын ууратары туруорсан эрэр. Хаҥаласка, Өлөөҥҥө, Уус Алдаҥҥа, о.д.а. сирдэргэ. Бу аата тугуй? Тоҕо уурата сатыыллар?
Аҕыйах хонуктааҕыта Дьокуускай куорат дьокутааттара мээри быыбардыыртан сокуонунан аккаастаннылар. Оттон “үөһэттэн” анаммыт мээргэ “биһиги ааппытыттан дьаһай” диир кыахтаахпыт дуо? Бу туһунан биллэр дьон туох санаалааҕый?
“Биһиги, СӨ Суруйааччыларын сойууһун чилиэннэрэ, Сойуус бэрэссэдээтэлигэр хандьыдаатынан СӨ норуодунай суруйааччыта Наталья Михалева-Сайаны туруорабыт” диэн хас эмэ уонунан суруйааччы илии баттааһыннаах сурук киирдэ. Бэйиэт бэйэтэ “Туораттан көрөн олорорум сатаммат курдук” диир. Кимнээх, тоҕо, хайдах – хаһыакка сиһилии ааҕыҥ.
Ахсынньы ый бэс ыйын батыһар дииллэр. Онон, тымныы буолар дуу, ичигэс дуу? Бу ый халлаана тугу билгэлиирин Тарас Тарасов-Тускул анаарар.
Итини таһынан.... “Суоһалдьыйа Толбонноох” суолунан, Ньурбатааҕы сэдэх кыыллар зоопаркалара, кырдьар кырыыс буолбатах диир Көхтөөх уһун үйэлэнии киинин кырдьаҕастара, бэйэ аһын оҥорор “Бөртө” хаһаайыстыба, “Кыым” суруналыыстара Чурапчыга, Тааттаҕа сырыылара, Амма Абаҕатын биэс оҕолоох эдэр ыала Харитоновтар, онтон да атын – барыта “Кыымҥа”!
Даҕатан эттэххэ... Ахсынньы 2 – 12 күннэригэр “КЫЫМ” хаһыакка, “БАЙДАМ”, “КҮРҮЛГЭН” сурунаалларга ЧЭПЧЭТИИЛЭЭХ СУРУТУУ саҕаланна! Түгэни мүччү тутумаҥ, “Кыымы” почтаҕа да, дьиэттэн тахсыбакка да сурутуҥ.
Сурутар нүөмэргит: 8-968-150-67-15
Бэй.кэр.
Хаартыскаҕа: Харбалаах олохтоохторо.
