Бу сыл алтынньы ыйыттан бааннар «Уһук Илиҥҥи уонна Артика ипэтиэкэлэригэр» бастакы усунуос кээмэйин үрдэппиттэрэ, тутааччыларга уонна атыылаһааччыларга эбии төлөбүр олохтообуттара уонна ИЖС хайысхатынан кирэдьиити биэриини тохтоппуттара.
Бааннар киллэрбит хааччахтара чэпчэтиилээх ипэтиэкэ тосхолун сүрүн соругун утаралларын иһин, Уһук Илиҥҥэ боломуочуйалаах бэрэстэбиитэл Юрий Трутнев бааннары кытта түргэнник быһаарсарга соруйда. Кини этэринэн, Арассыыйа Бэрэсидьиэнин Уһук Илиҥҥэ чэпчэтиилээх ипэтиэкэни хаалларар туһунан сорудаҕа син биир туолуохтаах. Онон, икки сэттиэлэ иһигэр Минфин, Минвостокразвития, Арассыыйа Баана, ДОМ.РФ урукку усулуобуйаҕа төннөр туһунан этиилэри бэлэмниэхтээхтэр.
Санатар буоллахха, 2%-наах ипэтиэкэ Уһук Илиҥҥэ 2019 сылтан үлэлиир. Маны биэс сыл тухары педагогтар уонна медиктэр, ОПК үлэһиттэрэ, АБДь кыттыылаахтара кыайа-хото туһаннылар.
Сонун төрдө: ЯСИА
