Белай Гора бөһүөлэк олохтооҕо былыргы омук саатын көҥүлэ суох уура сылдьан холуобунай дьыалаҕа тардылынна. Абый борокуратуурата кинини РФ ХК 222 ыст. 1 чааһынан (уотунан эстэр сэрии сэбин сокуоннайа суохтук ылыы уонна уруу) буруйдаата.
Силиэстийэ буруйданааччы 1894 сыллаахха тас дойдуга оҥоһуллубут «Winchester» мааркалаах сааны сокуоннайа суохтук атыылаһан ылбытын уонна өр кэмҥэ дьиэтигэр ууран сытыарбытын быһаарда. Онон, полиция үлэһиттэрэ сааны былдьаан ыллылар.
Маннык буруйу оҥорбут киһини биэс сылга диэри күһэлэҥ үлэҕэ, 200 тыһ. солк. диэри эбэтэр биир сыллааҕы хамнас (дохуот) саҕа ыстараабы кытта үс сылтан алта сылга диэри көҥүлүн быһыахтарын сөп.
Сонун төрдө: СӨ Борокуратуурата
