МТС хампаанньа кэнники биэс сылга килийиэннэрэ суотабай экранын төһө элбэхтик көрөллөрүн чинчийбит. Дьаҥ турбут 2020 сылын кытта тэҥнээтэххэ, быйыл дьон төлөпүөнү 16 мүнүүтэнэн эрдэ холбуур уонна 5 мүнүүтэнэн хойут араарар буолбуттар.
Саамай эрдэ Уһук Илин, ол иһигэр Саха сирин олохтоохторо, дойду атын олохтоохторо эрдэ уһукталлар. Ордук Южно-Сахалинскай, Магадан, Петропавловскай-Камчатскай, Владивосток уонна Дьокуускай куорат олохтоохторо эрдэһит эбиттэр. Манна суотабайга бастакы дьайыылар сарсыарда 6 чаас иннинэ буолаллар эбит.
Оттон суотабайы барыларыттан хойут, ортотунан 7 ч 15 м ааһыыта, Киин федеральнай уокурук олохтоохторо туталлар эбит. Суотабай этэринэн, саамай уһуннук Орел, Тверь, Владимир, Кострома уонна Тамбов олохтоохторо утуйаллар.
Эһиги санааҕытыгар, төһө итэҕэтиилээх түмүктэрий? Сарсыарда төлөпүөнү хас чаастан саҕалаан көрөҕүт?
Сонун төрдө: МТС хампаанньа
