Норуоттар доҕордоһууларын дьиэтигэр төрүт таҥас маастардарын «Сөргүтүү» айар холбоһугун дьоро киэһэтэ буолан ааста. Холбоһугу СӨ норуот маастара Азияна Харлампьева 2019 сыл ахсынньытыгар тэрийбитэ.
Манна Дьокуускай, Хаҥалас, Сунтаар, Бүлүү, Мииринэй, Нам, Үөһээ Халыма улуустарын 15 талба талааннаах иистэнньэҥэ киирэр. Олор истэригэр 6 норуот маастара, 5 норуот уус-уран дьарыгын маастара баар.
Кинилэр үлэлэлэрэ өрөспүүбүлүкэҕэ, дойдуга, тас дойдуга ыытыллар быыстапкаларга кытталлар уонна дьүүл сүбэтин үрдүк кэрэхсэбилин ылаллар. «Сөргүтүү» иистэнньэҥнэрэ төрүт таҥаһы үйэтитиигэ уонна киэҥ эйгэҕэ таһаарыыга сүҥкэн суолталаахтар.
Сонун төрдө: Норуоттар доҕордоһууларын дьиэтэ
