РФ Сыыппара министиэристибэтэ Федеральнай нотариальнай палатаны кытта «Судаарыстыбаннай уонна муниципальнай өҥө биир кэлим порталын» (Госуслуги) нөҥүө нотариуска суруйтарыыны тэрийдилэр.
Бу өҥө көмөтүнэн бэйэҕэ табыгастаах нотариальнай хонтуораны талыахха, ханнык докумуон ирдэнэрин билиэххэ уонна эрдэттэн ыытан бэрэбиэркэлэтиэххэ сөп.
Нотариуска суруйтарыы ньыматын быһаарабыт:
1. Макс Роботы баттаан көрдүүр строкаҕа «нотариус» диэн тылы суруйуҥ уонна Enter диэни баттааҥ.
2. «Запись к нотариусу» өҥөнү талыҥ, эрэгийиэҥҥитин уонна тугу оҥорторуохтааххытын туруоруҥ.
3. Баҕарар буоллаххытына, илдьэр докумуоннаргытын угуҥ. Нотариус, бэрэбиэркэлээн баран, тугун-ханныгын биллэриэ.
4. Нотариуһу, сылдьар күҥҥүтүн уонна кэмҥитин талыҥ.
5. Суруйтарыы бигэргэммитин тус кэбиниэккитигэр көрүҥ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
