Орто Халыма улууһун Сылгы Ыытарыгар 4G сибээс ситимэ холбонно. Ол туһунан нэһилиэк баһылыга Владимир Колесов иһитиннэрдэ.
Түргэн ситими тургутуу быһыытынан өссө ахсынньы 5 күнүгэр холбоон көрбүттэрэ эрээри, дьиҥ-чахчы ахсынньы 12 күнүттэн киирдэ. Мобильнай сибээс оператора бу бэлиэ күн нэһилиэк олохтоохторугар 200-тэн тахса сим-картаны түҥэттэ. Симка икки тарыыптаах: биирэ – 800 солк., иккиһэ – 650 солк. Олохтоохтор этэллэринэн, ардыгар киэһэ интэриниэт тэтимэ кыратык бытааран ылар эбит да, социальнай ситим, биидьийэ-хостиннар үчүгэйдик үлэлииллэр үһү.
Санатар эбит буоллахха, былырыын I Мээтис нэһилиэгэ Сыыппара сайдыытын министиэристибэтин цифровой тэҥэ суох буолууну туоратар бырагырааматыгар биир бастакынан киирбитэ. 4G сибээс ол көмөтүнэн киирдэ. Эмиэ ити бырагыраама чэрчитинэн, түргэн ситим Эбээх бөһүөлэгэр холбоммута.
Уопсайынан, нэһилиэнньэ көхтөөхтүк куоластаабытын түмүгэр, быйыл үчүгэй интэриниэккэ Орто Халыма улууһун Хатыҥнааҕа, Налимскайа уонна Березовката холбоммуттара.
