Большой тыйаатыр ахсынньы 28 күнүгэр буолуохтаах сүрүн саҥа дьыллааҕы «Щелкунчик» балекка билиэти ахсынньы 11 күнүгэр аукционунан атыылаан саҕалаабыта уонна 17 чааһынан бүтэрбитэ.
Манна партерга түөрт миэстэлээх кэмпилиэк сыаната 1,255 мөл. солкуобайга тиийдэ. Партерга биир миэстэ сыаната 105 тыһ. солк., оттон икки миэстэлээх кэмпилиэк сыаната 420 тыһ. солкуобайга тэҥнэстэ. Бу аата Москубалар култуурунайдык сынньанар туһугар харчыны кэрэйбэттэр эбит. Ити курдук тыйаатыр ахсынньы 17 күнүттэн саҕалаан балеты 18 төгүл көрдөрүө.
Оттон Дьокуускай олохтоохторугар уонна ыалдьыттарыгар киһи өйүгэр баппат сыаналаах «Щелкунчик» балеты быһа эпииринэн тохсунньу 31 күнүгэр Синема уонна Лена киинэ тыйаатырдарыгар көрдөрүөхтэрэ. Билиэт сыаната билиҥҥи туругунан 600-700 солк.
Балет сүгүрүйээччитэ да буолбатар, москубатааҕы сыананы бэркиһээн "туохтаах балет буоллаҕай?" диэн санааттан сылдьыахха сөп курдук.
Бэйэ кэр.
