СӨ Тырааныспарга министиэристибэтин дааннайынан, Саха сиригэр 800 тахса массыынаны гаас уматыкка көһөрбүттэр. Дьиҥэр, былаан быһыытынан 500 кэриҥэ массыына көһүөхтээх этэ. Онон, бүгүҥҥү туругунан өрөспүүбүлүкэҕэ экологияҕа куттала суох массыына ахсаана 23 тыһыынчаҕа тиийэн эрэр.
Оттон олохтоохтор гаас уматыкка сыл ахсын 2 млрд тахса солк. кэмчилииллэр. Ил Дархан дьаһалынан нэһилиэнньэҕэ тырааныспары гааска көһөрүүгэ 90%-ҥа тиийэ кээмэйдээх субсидия көрүллэр. Маны таһынан, айылҕа гааһынан сүүрэр тырааныспарга 50%-ҥа тиийэ чэпчэтиилээх нолуок көрүллэр.
Саха сиригэр Дьокуускайга, Ленскэйгэ уонна Мииринэйгэ гааска көһөрөр 5 аккредитациялаах пуун, 10 метан уонна 30 пропан сапыраапката баар. Оттон гаас уматыгы атыылыыр бөдөҥ тэрилтэлэр ахсааннарыгар Саханефтегазсбыт, Сахаметан, РНГ, Газпром добыча Ноябрьск, Арассыыйа Почтатат, ЯПАК киирэллэр.
Сонун төрдө: CӨ Бырабыыталыстыбатын уонна Ил Дарханын пресс-сулууспата