Оҕо босуобуйатын Саҥа дьыл бырааһынньыгын иннинэ ахсынньы 25 күнүгэр ыытыахтара. Оттон ахсынньы 27 күнүгэр диэри ый 8-с чыыһылатыгар биэнсийэни ылааччылар тохсунньутааҕы харчылара киириэҕэ. Ол туһунан Социальнай пуонда Саха сиринээҕи салаата иһитиннэрэр. Ити, биллэн турар, тохсунньутааҕы уһун өрөбүлү кытта ситимнээх уларыйыы.
Ахсынньы 25 күнүгэр СӨ Социальнай пуондаҕа салаата баан счеттарыгар маннык төлөбүрдэри ыытыаҕа:
- 17-гэр диэри саастаах олоҕорго уонна хат дьахталларга көрүллэр кэлим босуобуйаны;
- Балтараатыгар диэри саастаах оҕолорун көрө-көрө үлэлиир уонна үлэлээбэккэ олорооччуларга;
- 3 сааһыгар диэри бастакы оҕоҕо көрүллэр төбүрү;
- Сулууспалыы эбэтэр хомуурга түбэһэн барбыт байыаннай сулууспалаах оҕотун төлөбүрэ;
- Ийэ хапытаалыттан ый аайы бэриллэр төлөбүр.
Биэнсийэлэрин уонна босуобуйаларын почтаттан ылааччылар төлөбүрдэрэ почта үлэлиир кыраапыгыттан көрөн тиэрдиллиэ.
Ол курдук, улуустар почталара биэнсийэни маннык кыраапыгынан тиэрдиэхтэрэ:
- Тохсунньу 3 күнүгэр – кыраапык быһыытынан уонна 5 чыыһыла оннугар;
- Тохсунньу 4 күнүгэр – кыраапык быһыытынан уонна 6 чыыһыла оннугар;
- Тохсунньу 6 күнүгэр – кыраапык быһыытынан уонна 7 чыыһыла оннугар;
- Тохсунньу 7 күнүгэр – кыраапык быһыытынан уонна 7 чыыһыла оннугар;
- Тохсунньу 8 күнүгэр уонна ол кэннэ – кыраапык быһыытынан.
Дьокуускайга уонна Дьокуускай таһынааҕы бөһүөлэктэргэ маннык кыраапыгынан төлөнүө:
- Тохсунньу 3 күнүгэр – кыраапык быһыытынан;
- Тохсунньу 4 күнүгэр – кыраапык быһыытынан уонна 7 чыыһыла оннугар;
- Тохсунньу 5 күнүгэр – кыраапык быһыытынан уонна 7 чыыһыла оннугар;
- Тохсунньу 6 күнүгэр – кыраапык быһыытынан;
- Тохсунньу 7 күнэ – бырааһынньыктааҕы өрөбүл.
Санаттахха, баан каарталарыгар кэлэр төлөбүр күн устата түһүөҕэ. Өскөтүн төлөбүр сарсыарда киирбэтэҕинэ, киэһээҥҥэ диэри кэтэһиэххэ наада.
Тоһоҕолоон эттэххэ, ахсынньы бүтүүтүгэр киирэр биэнсийэ – эбии да, “бонус” да, “13-с” да биэнсийэ буолбатах. Бу – быраһаанньык өрөбүллэринэн сибээстээн эрдэ төлөнөр тохсунньутааҕы биэнсийэ. Онон, ити кэннэ биэнсийэ төлөбүрэ аны олунньу ыйга болдьоммут кэмигэр кэлиэҕэ.
