Ахсынньы 19 күнүгэр дойду бэрэсидьиэнэ Владимир Путин 4,5 чаас устата суруналыыстары, бар дьону кытта көрсөн кэпсэттэ. Ити кэм иһигэр бэрэсидьиэн 76 ыйытыыга хоруйдаата. Онтон ала-тала аҕыйах суолга тохтоотоххо...
-
2024 сыл түмүгүнэн ис баалабай бородуукта 4 бырыһыаҥҥа тиийэ улаатыахтаах. Дойдубут экэниэмикэтэ бигэ туруктаах.
-
Анал байыаннай дьайыы буола турар сиригэр барытыгар улахан хамсааһын тахсан эрэр.
-
Арассыыйа Киев легитимнэй таһымнаах ханнык баҕарар былааһын кытта эйэлээх дуогабары түһэрсэргэ бэлэм.
-
Нэһилиэнньэ дохуота уонна хамнаһа дойдуга оҥоһуллар табаар уонна бородууксуйа кээмэйиттэн түргэнник улаатар.
-
Чэпчэтиилээх ипотека кирэдьиитигэр ханнык да, туох да лимиит диэн суох буолуохтаах, чуолаан дьиэ кэргэ ипотекатыгар.
-
Арассыыйаҕа үлэлиир түөкүттэри (масыанньыктары) Уркаина анал байыаннай сулууспалара хонтуруоллууллар. Онно Арассыыйа олохтоохторуттан харчыныы уоруу судаарыстыба таһымнаах дьыала буолан турар. Онон, мантан антах бааннар кирэдьиит биэриэхтэрин иннинэ дьон төлүүр кыаҕын кыраҕатык бэрэбиэркэлиэхтээхтэр.
-
Быйыл Арассыыйа Сэбиэскэй Сойуус саҕаттан хаһааҥҥытааҕар даҕаны элбэх дьиэни-уоту тутта.
-
“Ютюб” уонна “Гугл” Арассыыйа сокуоннарын булгуччу тутуһуохтаахтар. Бэрэсидьиэн этэринэн, “Гугл” Арассыыйа сиэрбистэрин үлэтин бэйэтэ харгыстыы олорор.
-
Арассыыйаҕа оҕо төрөөһүнэ 1,4%-ҥа тиийэ түспүт. Ол көрдөрүүнү саамай кырата 2,3%-ҥа диэри өрө көтөҕүөххэ наада.
-
Арассыыйа аан дойдуга аһы-үөһү экспордыыр үс саамай улахан судаарыстыба иһигэр киирэр. Оттон сэлиэһинэйи атыылыырга бастакы миэстэҕэ сылдьар.
-
Дойду бэрэсидьиэнэ Арассыыйа байыастара фронтон бары кэлиэхтэригэр диэри бэйэтин толору дьоллоохтук сананыа суохтаах.
Бэй.кэр.
Хаартыска: ТАСС
