Быйыл, 2025 сылга үктэнэн баран, Саха өрөспүүбүлүкэтигэр барыта 13 саҥа оскуола тутуллан үлэҕэ киириэхтээх.
Оттон 2024 сыл түмүгүнэн, Сахабыт сирин араас муннуктарыгар барыта 4200 миэстэлээх 15 аныгы оскуола тутуллан үлэҕэ киирдэ, уопсайа 315 миэстэлээх түөрт уһуйаан уонна түөрт оскуола успуор саалалара дьэндэйдилэр. Онтон биэс дьиэ Дьокуускай куоракка тутулунна. Ол иһигэр бастакы бэрэсидьиэн Михаил Николаев аатынан саамай улахан үөрэх кыһата. Ити туһунан Ил Дархан Айсен Николаев кэпсээтэ.
“Национальнай бырайыактар уонна Уһук Илин сайдыытын бырагырааматын көмөлөрүнэн үөрэхтээһиммит инфраструктуратын тупсарарга улахан хардыыны оҥордубут. Уопсайынан, 2018 сылтан бэттэх 171 үөрэх саҥа эбийиэгэ тутуллан үлэҕэ киирдэ. Ол иһигэр 75 оскуола дьиэтэ уонна 81 уһуйаан. Саха сирин үөрэхтээһинин устуоруйатыгар ити курдук киэҥ далааһыннаах тутуу өссө хаһан да ыытылла илигэ”, – диэн Ил Дархан анаан бэлиэтээтэ.
Былаан быһыытынан, быйыл, 2025 сылга, өрөспүүбүлүкэҕэ 13 оскуола тутуллуохтаах. Ол иһигэр Дьокуускай куорат Звезднай түөлбэтигэр.
