СӨ бырабыыталыстыбата туризм сайдыытын бырайыагын оҥордо. Сүрүн соруга – 2023 сылга диэри турист ахсаана үс төгүл эбиллэн, 700 тыһыынчаҕа тиийиэхтээх.
“Сайдыы бырайыагын докумуона аан бастакытын улахан дааннай анаалыһыгар уонна биһиги партнербут “Сбер” гео-аналитикатын чахчыларыгар олоҕуран оҥоһулунна. Ол чахчыларга сигэнэн анааран көрдөххө, туризмтан өрөспүүбүлүкэҕэ сыллата 9-11 млрд солкуобай киириэн сөп”, – диэн Айсен Николаев быһаарда.
Итини таһынан, Ил Дархан болҕомто дьиэтээҕи, дьоҕус туризмҥа, Саха сирин олохтоохторо өрөспүүбүлүкэ иһигэр күүлэйдииллэригэр эмиэ ууруллуохтааҕын эттэ.
Онон сибээстээн, бырабыыталыстыба, куорат уонна улуус дьаһалталара туристыыр эбийиэктэр баар сирдэригэр түһэр-хонор дьиэлэри тутуу кыһалҕатын быһаарыахтаахтар.
