Роскомнадзор “WhatsApp”* уонна 11 атын мессенджери информацияны тарҕатар тэрилтэлэр реестрдэригэр киллэрбит. Испииһэги биэдэмистибэ дьиҥ таһымнаах саайтыгар таһаарбыттар. Онно бассаап* ахсынньы 19 күнүгэр бэлиэтэммит.
Информацияны тарҕатар тэрилтэлэр реестрдэрэ 2014 сыллаахтан үлэлиир. Билигин онно 456 платформа киирэн турар. Ол кэккэҕэ киирбит хампаанньалар сыһыарыыны туһанар дьон туһунан информацияны уонна кинилэр бары суруйсууларын, ханна эрийэллэрин уонна биидьийэлэрин ФСБ уонна атын боломуочуйалаах судаарыстыба уорганнарын ирдэбилинэн кинилэргэ биэриэхтээхтэр.
*Арассыыйаҕа экстремистии тэрилтэ быһыытынан билиниллибит уонна бобуллубут “Meta” хампаанньа бас билиитигэр киирэр.
Бэй.кэр.
Хаартыска: pixabay.com
