Арассыыйа киин таһаарыылара, Ил Дархан Айсен Николаев этиитигэр сигэнэн, Саха сирэ көмүһү хостооһуҥҥа иккис миэстэҕэ тахсыбытын туһунан киэҥник суруйдулар. Ол курдук, көмүс хостуур бырайыактар төлүүр нолуоктара бастакытын олохтоох бүддьүөккэ киирэр дохуот 20%-нын ылбыт.
Айсен Сергеевич иһитиннэрбитинэн, өрөспүүбүлүкэҕэ көмүс бырамыысылыннаһын биир үйэлээх сылыгар 54 туонна көмүс хостоммут. Быйыл көмүһү хостооччулар 64%-нан элбэх нолуогу төлөөбүттэр. Бу эйгэҕэ барыта 12,5 тыһ. тахса киһи үлэлиир.
Билигин Томпо улууһугар Нежданинскай көмүстээх сирин баһылыыллар. Эһиил Алдан оройуонугар Хвойнайдааҕы хайаны байытар фабрика аһыллыаҕа. Оттон Өлүөхүмэҕэ “Токкотооҕу” уонна “Роман” бырайыактар үлэлиэхтэрэ.
Сонун төрдө: ТАСС
