«Сиэрдээх Арассыыйа — Кырдьык иһин» баартыйа бэрэссэдээтэлэ Сергей Миронов Үлэ кодексыгар тэрилтэ салайааччыта Саҥа дьыл иннинэ үлэһиттэригэр 13-с хамнаһы булгуччу төлүөхтээхтэрин туһунан нуорманы киллэриэн баҕарар.
Кини РФ Бырабыыталыстыбатын бэрэссэдээтэлэ Михаил Мишустинтан бу этиини ахсынньы 20 күнүгэр диэри көрө охсорго көрдөспүтүн, «харчы суох» диэн хоруйдаабыттар. Оттон кини этэринэн, бырабыыталыстыбаҕа киирэр үтүө ис хоһоонноох отчуоттарынан көрдөххө, харчы баар.
Билиҥҥи туругунан, үлэнэн хааччыйааччы 13-с хамнаһы биэрэрин-биэрбэтин бэйэтэ быһаарар. Үгүс өттө биэрэ сатаабат. Оттон парламентарий этэринэн, үлэһити итинник көҕүлээһин үлэҕэ да, олоххо да үтүө эрэ дьайыылаах. Каадыр тиийбэт кэмигэр үлэһити көҕүлээбэт буолуу – содуллаах.
Сөпкө этэр буолбаат?
Сонун төрдө: Сахапарламент
