Саха сирин нууччалыы телеграм-ханаалларыгар “Роспотребнадзор предупреждает о быстро развивающемся гриппе, который в 65% случаев приводит к пневмонии за сутки и может быть смертелен. Граждан призывают немедленно обращаться к врачу при появлении первых симптомов заболевания” диэн дьону куттуур наһаа омуннаах иһитиннэрии “вирус” курдук тарҕанан эрэр. “Уой, аай” бөҕө.
Роспотребназдор оннук үлүгэр куттаабыта дуо?
Саҥа сыл тохсунньу 1 күнүнээҕи официальнай иһитиннэриитигэр Арассыыйаҕа кирииби көбүтэр вирустар ортолоругар А(H1N1)2009 диэн, бары билэр “сибиинньэбит кириибэ” атыттартан элбэҕин эппитэ. Бу ыарыы 2009, 2022 сс. биһиэхэ тура сылдьыбытынан биллэр.
Вирус чахчы киһи тыынар уорганнарыгар олохсуйар. Элбээн 3-4 күнүгэр сэбиргэхтэтиини (пневмонияны) көбүтүөн сөп. “Сибиинньэ кириибэ” чэпчэкитик ааһар “Омикрон” диэн КОВИД көрүҥэр майгынныыр. Урут тура сылдьарыгар сиэмэҕин көрдөрбөтөҕө. Быйыл да оннук ааһар ини. Сэрэниэххэ, кэмигэр эмтэниэххэ наада.
Биһиэхэ эрэ дьону куттаабаттар. Омук дойдуларыгар “Пандемия 2.0” саҕаланна диэн омуннаан күүркэтии баран эрэр дииллэр. Сонньуйан эттэххэ, КОВИДтан ыла пандемия диэн тыл бэлитиичэскэй ис хоһоонноммутун билэҕит. Эмиэ улахан харчы үллэстиитэ саҕаланан эрдэҕэ буолуо...
Бэйэ кэр.
