Бүгүн, тохсунньу 9 күнүгэр, академик В. П. Ларионов аатынан Өрөспүүбүлүкэтээҕи билим «Инникигэ хардыы» күрэс-кэмпириэнсийэ саҕаланна. Тэрээһин аһыллыытыгар Ил Дархан Айсен Николаев сырытта.
Кэмпириэнсийэҕэ 5-тэн 11-с кылааска диэри үөрэнэр 1610 оҕо билим араас хайысхатынан үлэлиир 44 сиэксийэҕэ кыттыаҕа, кинилэр үлэлэрин 344 учуонай, уһуйааччы, аспыраан уонна маҕыстыраан кыттыылаах эспиэрдэр сүбэлэрэ сыаналыаҕа.
Ол түмүгүнэн, кыайыылаахтар уонна биһирэммиттэр Бүтүн Арассыыйатааҕы кэмпириэнсийэлэргэ уонна өрөспүүбүлүкэ таһынааҕы күрэстэргэ кыттар кыах ылыахтара. Кинилэри ураты дьоҕурдаах оҕолору түмэр судаарыстыбаннай тиһиккэ киллэриэхтэрэ.
Маны таһынан, кэмпириэнсийэ чэрчитинэн, аан бастакытын академик, РАН чилиэн-кэрэспэдьиэнэ Н.Г. Соломонов аатынан «Юниор» бырайыактыыр уонна чинчийэр үлэлэр күрэстэрэ ыытыллыаҕа.
Сонун төрдө: СӨ Бырабыыталыстыбатын уонна Ил Дарханын пресс-сулууспата
