УФСИН Саха сиринээҕи салаатыгар үлэһиттэри сэргэ ыттар эмиэ үтүө суобастаахтык сулууспалыыллар. Ол курдук, ниэмэс овчарката Бэтти аҕыс сыл устата силиэстийэлиир изолятор эбийиэктэрин харабыллыыр, буруйу оҥорооччулары булан тутар, бобуулааҕы көрдүүр соруктары толорбута.
Аны, бочуоттаах сынньалаҥҥа тахсан бииргэ үлэлээбит кинологар Денис Басенко эһэлээх эбэтин дьиэтигэр олоро барда. Кини түөрт атахтаах кэллиэгэтин олус өйдөөх, тулуурдаах уонна эрчимнээх диэн ойуулуур.
Денис оҕолорун кытта Бэттини көрсө кэллэҕинэ, ыт сөбүлээн оонньуур путбуолун оонньууллар, тиэргэҥҥэ дэлби мэниктииллэр. Бу барыларыгар туһалаах. Ити курдук, биэнсийэҕэ тахсыбыт ыттары ыалларга биэрэллэр.
Сонун төрдө: УФСИН Саха сиринээҕи салаата
