Киир

Киир

Саха сирин киин уонна соҕуруу улуустарыгар саас биир нэдиэлэнэн эбэтэр 10 күнүнэн эрдэлээн кэлэр. Сыллааҕы орто тэмпэрэтиирэ 1 кыраадыһынан сылыйбыт. Ол туһунан ХИФУ Килиимэти уонна хотугу эрэгийиэннэр эко-систиэмэлэрин чинчийэр лабаратыарыйатын сэбиэдиссэйэ Никита Тананаев СИА-ҕа кэпсээбит.

Метеорологтар этэллэринэн, быйыл кириһиэнньэ тымныылара түспэттэр, тымныыбыт эргийэн кэлбэт үһү. Никита Тананаев этэринэн, халлааммат аҥаардас сылыйар эрэ буолбакка, аан дойдуга барытыгар уларыйа турар. Холобур, Саха сиригэр сааспыт киин уонна соҕуруу улуустарга биир нэдиэлэнэн, сороҕор инньэ 10 күнүнэн, эрдэлээн кэлэр буолбут.

“2024 сыл Саха сиригэр XIX үйэттэн саҕалаан саамай ичигэс күннээх-дьыллаах буолла. Ол гынан баран, хас биирдии сыл бэйэтэ туспа уратылаах. Аны туран, сылаас кыһын буоллаҕына, сааспыт эрдэлээн кэлэр диир эмиэ табыллыбат. Өскөтүн оннук эбитэ буоллар, сааскы халаан кыһалҕата быһаарыллыбыта ырааппыт буолуо этэ. Билигин биһиги хайдах сыл буоларын сабаҕалыыр эрэ кыахтаахпыт”, – диир кини.

Чинчийии көрдөрөрүнэн, быйылгы сааспыт 2 – 2,5 кыраадыһынан сылаас буолуох курдук. Ол да буоллар, эргийэн кэлэ-кэлэ тымныы күннэр буолуохтаахтар үһү.  

Бэй.кэр.
Хаартыска: Мария Васильева/СИА

Санааҕын суруй

Бүтэһик сонуннар